牛皮癬康復者的心得

在恩德接受綜合療法治療牛皮癬半年以來，已經九成以上康復，心情真係難以形容。以為無可能發生o既事，今日恩德o既治療真是改寫了我的人生，也改變了我對這個病絕望o既睇法，就連我太太、同事及經常見面的皮膚科醫生，都覺得神奇，連聲佩服！所以我希望藉著呢篇文章，同大家分享我治療o既過程和心得，好讓大家有一個作戰o既心理準備，當然，最終大家都會有一個滿意的治療結果，再一次享受脫離牛皮癬之後，重拾o既自信以及將來所得到快樂o既人生。

九年前初患牛皮癬，以西醫方法控制，最終變成「難以控制」

我自九六年初，頭皮屑突然非常嚴重，無論用盡什o既方法都無效。啀！那頭皮屑o既數量，真是多得驚人。經醫生診斷後，證實為早期牛皮癬之症狀。由於工作的關係，對這種可怕o既皮膚病，一早瞭如指掌，知道呢個西醫斷定o既不治之症，結局只得四個字，就是「痛苦」及「恐怖」。

事實歸事實，既然得了這討厭的病，又知是難以根治，點攪呀？都要醫o既架啦！我好似其他人一樣，用西醫所謂「控制」o既方法來處理呢個病，例如放鬆心情，唔好咁緊張，飲食方面又唔飲酒，又唔食刺激o既食物等等。基本上，西醫所講o既，乜都做齊，但最後，原本只局限在頭部o既牛皮癬，不經不覺已蔓延至手肘、膝頭以及身上。久而久之，所謂o既控制最終只會變成「難以控制」。

天天搽幾種西藥膏也擺脫不了呢個 “壞朋友﹙牛皮癬﹚”

其他人可能唔知，咁多年以來，生活上多o左搽藥膏呢種好似擦牙、洗澡，每日都要做o既習慣。重唔單止只搽一次以及一種o既藥膏時，真係有苦自己知，叫救命都可以理解。無論點搽，真係「皮死皮還在」「一達未平，一達又起」。呢個 “壞朋友﹙牛皮癬﹚” 真係永不言敗，永不在我身上罷休，無晒佢符！ 有時當諗到，係咪真係呢一世都要搽住藥膏o黎過？以及看見自己身上o既皮膚愈來愈多及難看時，真係無晒心機。我預感到，總有一天難看得不可以出街見人，點算！

漸與人疏離，減少社交活動，性格孤獨，最終得了憂鬱症

為避免其他人投以古怪及好奇o既眼光，有皮膚病o既人，都一定會用盡所有辦法去遮掩身體上有皮膚病及難看o既地方。我亦都一樣，回想過去，隨著呢個 “壞朋友” 不斷佔據我身體時，在炎夏想穿短衫褲出街，或到沙灘游水以及一切水上活動都突然變成一種不切實際的奢求。原來這些平常人過o既簡單生活，對我來說真是「這麼近，那麼遠」。為了唔想每次接觸新朋友時，重複又重複去向人解釋這種不是傳染病 …… 等等，連想交新朋友或多些與朋友接觸的活動，對我來說，乾趣不去罷了！

正因如此，大部份患有此病o既人，漸漸與人之間o既距離拉開了，令到自己性格孤獨起來。無o左朋友o既傾訴及一切正常o既社交活動，慢慢便會變成孤僻。長期o既唔開心，最終導致自己患上憂鬱症。又唔開心，又擔心，最後都只是令到自己身體o既病情惡化，更惡化，與健康的距離越拉越遠了，傍偟的心啊！ 何時了！ ……

下定決心與這個牛皮癬 “壞朋友” 分手

今年四月，慣常在浴室搽葯膏o既時候，忽發奇想，今年要決定同身上呢個 “壞朋友” 決一死戰！ 與太太商量後，大家開始去搜尋更新及認為有效o既治療方法。最後得出兩種結論：

(1)是嘗試去打現在新引進，剛到港o既針藥。
(2)便是到恩德針灸藥療中心接受針對性的綜合療法。

否決採用西醫o既針藥，原因不外乎恐怕自己打完針之後，身體反應有異，再爆發得更嚴重，咪重弊家伙！況且，本人深信，治療慢性疾病，尤其是皮膚病，中醫必定更加優勝。

親身體驗，恩德針灸唔係想象中咁痛

起初，在網上看見恩德綜合療法當中，其中之一的針灸，真是腳仔軟軟。唔係o卦，佰幾針，點頂呀！無辦法，今年已立下決心開戰，硬著頭皮，頂硬上，再唔根治這個病，做人反都唔會再有什麼希望。

有一天，我來到恩德診所，好彩！黃師父o既針灸並唔係想象中咁痛。久而久之，對自己做成o既心理壓力全消失，並已習慣這種針針見效的針灸。

我真係幾喜歡飲恩德大補湯，我深信它能排出體內積聚o既毒素

每次針灸完畢後，例必飲用大補湯，我個人真係幾喜歡飲呢個湯，或者呢個就是我同黃師父o既醫緣吧！飲湯o既時候，病友之間又可以傾談彼此接受恩德綜合療法o既心得，真是有趣。有時，見到有些病友，把湯內o既材料統統不吃，原封不動，真是把上等的材料浪廢，甚覺可惜。可知，大補湯在綜合療法內扮演著一個十分重要o既角色。我覺得在治療初期，飲完大補湯後，到廁所o既次數比以前多了，相信這大補湯，真的把毒素及有害o既物質，從體內慢慢排離我o既身體。而這大補湯，已經是我在治療期間的一個豐富晚餐了。我深信，排出體內積聚毒素，這大補湯功不可沒。

「戒口」在治療期間非常重要，稍不注意，自吃惡果

「戒口」在治療期間，亦是非常重要。有黃師父這樣好o既醫生及醫術，在治療過程中，病人o既配合亦起了極大o既作用。講真，食物o既引誘，真是難以抵抗，如我以前最愛吃蝦、蟹、生蠔、燒鵝、龍蝦伊麵、雪糕、汽水 . . . . . 等等，瘋狂時經常可以一次吃幾拾隻生蠔或一大碟龍蝦伊麵。但依家每次美食當前及面對自己平時甚喜愛o既食物，諗起戒口，真是連望多一眼都唔敢。記得有一次，太太煮飯時買了椰菜，自己記不清楚椰菜是否可以食得，一連兩餐，食o左好多。點知，可怕o既事情當晚立刻發生。我全身痕得 “跳舞” ，成晚不能入睡，身上o既皮疹如雨後春筍般爆了很多出來。翌日，立刻到黃師父處求醫。自問在治療期間，自己戒都戒得好清，為什麼會突然變得惡化起來。原來師父話椰菜為濕毒之物，是不可以吃的，這時立刻取來一張恩德戒口紙，上面清楚說明蔬菜類可以吃的有椰菜 “花”。原來欠一個 “花”字o既蔬菜，食了之後，害到我o個幾晚都痕得 “跳舞”。經過呢次教訓，屋企個雪柜門上，總貼上恩德提供o既戒口紙，以免再唔覺意地食錯o野而影嚮療效，延遲自己o既療程。雖然暫時食唔到喜愛o既食物，但係病好之後，可以食自己喜歡食的東西，這是值得的。再者，我相信，日後就算十成好番晒，都會開始食多一些有益健康o既食物，養成良好o既飲食習慣。

適應恩德藥浴，療效顯著

講到恩德綜合療法浸藥浴，起初真係幾難適應。每日放工後，都好趕咁返屋企浸浴。總之堅持浸三個小時，將水溫調到38℃左右，盡量適應自己，一邊出汗排毒，一邊飲水解渴，雖然有點悶，但離開浴室時，全身感到輕鬆。有時，放工後要到師父處針灸，回家已經八、九點鐘，立刻到浴室浸葯浴三小時，已到深夜了。這段期間，為了令自己在浸浴過程中過得舒服點，因而購了一部手提影碟機在浴室內看電影。原來這樣一邊看電影或雜誌，看倦了，閉目養神，甚至睡著了，待到張開眼睛時，坐起身，已發覺在浴缸浸了四、五個小時。習慣成自然，在這種情況下浸浴，簡直是一種享受，況且，浸浴o既時間越長，對治療牛皮癬呢個病o既效果更有顯著功效。

浸浴睡到天明，康復突飛猛進

有一晚，可能日間工作太累，晚上浸浴時，不知不覺在浴缸睡到天明。當晚，太太更打趣地指著浴室說：「喂，夜啦！今晚你早些返房(浴室)訓啦！」當時我都覺得好好笑。但細心再想一下，利用睡覺o既時間在浴室浸浴，既提高自身免疫力，又鍛鍊了做人的毅力，還得到惊人的療效，真係有好多好處。

1. 減少浸浴對個人生活的影嚮 – 夜晚照常做自己喜愛做o既事情，例如，看電視、上網、ICQ呀等等，以免因為要浸浴，而影嚮自己日常生活o既習慣，盡量減少治療過程中對自己生活o既影嚮。
   
2. 增長浸浴時間又減少對家人們的影嚮 – 以往浸浴到半夜一兩點o既時候，便會回睡房睡覺。因此好自然會嘈醒家人。我為了避免半夜嘈醒我o既家人，一於在浴缸訓，從而增長浸浴o既時間，又可以減少對家人o既滋擾。
   
3. 讓浸浴成為一種享受 – 深夜寧靜，在浴室可以好好咁一邊浸浴，一邊靜思，有時返工所遇到o既問題，可以理性地一一解答。我靜靜地閉上眼睛，真係可以咁舒服，又好似o係度浸緊溫泉，咁o既環境下，簡直是一種度假享受。

估唔到，睡在浴缸浸葯浴當中，不知不覺，身上o既牛皮癬又好o左好多，簡直突飛猛進。總之，切記浸浴時，不要記著自己因為有病而要浸浴，要令自己覺得正在享受浸浴，用享受o既心情，令自己全身放鬆從而達到有意想不到o既療效。

希望病友透過這篇自述，能作好心理準備來接受及配合治療

我寫呢篇自述療程，並不是想同 “恩德” 賣廣告，而是想給予將會接受恩德綜合療法的朋友一個心理準備，以便在治療過程中不至進退失據。另外，我也想將自己所遇到的苦與樂同大家分享。當然，並不是每一個人都會在同一療程時間內獲得同一效果。以我為例，我治療初期，都非常反復。「有o既地方未好，冇o既地方又 “發出來”」但是我巧遇一位楊姑娘 (恩德義工)，她對我說：「它 “發出來”是好的， “發了之後” 便可以一網打盡！」

病情或會反復，信心堅定，必會成功

起初我都有懷疑，但憑著楊姑娘一句話，加上自己o既信念，及對恩德綜合療法o既信心，曙光終於在第三個月發生。皮膚上的硬皮及皮屑開始消失，只剩下一些紅印，感覺與正常皮膚一樣。呢種現象，簡直連以往每天搽葯膏，都未有試過這樣的效果。呢一刻，簡直令我對療程起了鼓舞的作用，令我更積極繼續配合師父o既綜合療法。

調節思想，以樂觀正面的心態，理性接受治療

在恩德見到好多同樣有這種牛皮癬的病人，在治療期間，經常問師父自己o既病幾時好？點解會咁？點解會咁等等……？ 此外，還重複又重複的問是否半年，是否一定斷尾？呢類疑慮性問題，其實是可以理解的。但係，大家有無想過，事實上西醫已經沒有什麼更好的辦法幫助了，現有幸遇見師父，應該以正面積極的心態，給予信心，配合治療，盡量戒口，放鬆心情，增加浸浴毅力等等。再者，硬要將痊癒規限在特定之時間內，根本對師父及綜合療法十分不公平。因各人體質不同，反應自然有異。

常懷感恩之心，幸福必將來臨

退而求其次，我現在雖還未十足痊癒，但不用搽西藥就有了這樣的效果，簡直已十分滿足。現在我可以穿短衫褲上街以及參加一切水上活動，我對呢種九成以上皮膚回復正常o既痊癒，已是十分滿足，乎復何求！

在恩德治療半年時間以來，自覺身體比以前健康，傷風感冒都未試過。我想真是黃師父在施以綜合療法中所做的 “免疫工程”，大大提高了自己的抵抗力。

最後，希望所有到恩德求醫o既病者，都要抱著正面、積極、樂觀、感恩、放鬆的心情，接受呢種 “免疫工程” 改造。整個醫療過程可能路途艱辛，但深信崎嶇過後，幸福及希望就會出現眼前。

祝各位身心健康，早日康復！

本人同意以上資料刊載在恩德刊物或網頁上。

楊先生

二ＯＯ五年初秋

後記：楊先生自二ＯＯ五年初冬已完全康復，身上再沒有牛皮癬了！